GHSS KAMBALLUR ; Email:prncplkmbllur@gmail.com ; Ph.No.04672220870 : 2014

OUR MESSAGE

കമ്പല്ലൂര്‍ ഗവ. ഹയര്‍ സെക്കണ്ടറി സ്കൂള്‍ ജൂബിലി ഉദ്ഘാടന വേളയില്‍ അവതരിപ്പിച്ച റിപ്പോര്‍ട്ട് : അറിവ് അഗ്നിയാണ്‌. അറിവിന്റെ പൊള്ളല്‍ സുഖകരമായ അനുഭവമാണ്‌. അറിവിനുവേണ്ടിയുള്ള ഒരു ജനതയുടെ സ്വപ്നങ്ങളുടെ സാക്ഷാത്കാരമാണ്‌ കമ്പല്ലൂര്‍ ഗവ: ഹയര്‍ സെക്കന്ററി സ്കൂള്‍. മലബാര്‍ ഡിസ്ട്രിക്ട് ബോര്‍ഡിന്റെ അനുമതിയോടെ ഏകാധ്യാപക വിദ്യാലയമായി ഔപചാരികമായി 1954 മുതല്‍ പ്രവര്‍ത്തനമാരംഭിച്ച ഈ വിദ്യാലയത്തിന്‌ അതിനുമേറെ പഴക്കമുള്ള അക്ഷരസ്നേഹത്തിന്റെ ചരിത്രമുണ്ട്. 1939ൽ ശ്രീ നല്ലൂര്‍ ഗോവിന്ദന്‍ നായരുടെ നേതൃത്വത്തില്‍ ആരംഭിച്ച എഴുത്താശാന്‍ കളരിമുതല്‍ ഈ ചരിത്രം ആരംഭിക്കുന്നു. തുടര്‍ന്ന് ചില കാലയളവുകളില്‍ മുടങ്ങിയും വീണ്ടും തുടങ്ങിയും മുന്നോട്ടു നീങ്ങിയ കമ്പല്ലൂരിലെ കുടിപ്പള്ളിക്കൂടത്തിനുപിന്നില്‍ നിസ്വാര്‍ത്ഥരായ ഒരുകൂട്ടം ഗ്രാമീണമനുഷ്യരുടെ ത്യാഗനിര്‍ഭരമായ സേവനങ്ങളുടെയും യാതനകളുടേയും നീണ്ടകഥകളുണ്ട്. ഔപചാരിക കാലഘട്ടത്തിനു മുന്‍പ് എഴുത്താശാന്മാരായി സേവനമനുഷ്ടിച്ച സര്‍വ്വശ്രീ മരാര്‍ കുഞ്ഞിരാമന്‍ , ആമന്തറ കൃഷ്ണന്‍ നായര്‍, പാലാട്ട് ശങ്കരന്‍അടിയോടി എന്നിവരുടെ സേവനങ്ങള്‍ ഈ അവസരത്തില്‍ ആദരപൂര്‍വ്വം അനുസ്മരിക്കുന്നു. ഒപ്പം ആദ്യകാലഘട്ടത്തിലെ വിദ്യാലയ നിര്‍മ്മാണപ്രവര്‍ത്തനങ്ങള്‍ക്ക് നേതൃത്വപരമായ പങ്കു വഹിച്ച സര്‍വ്വശ്രീ നല്ലൂര്‍ ഗോവിന്ദന്‍ നായര്‍, മാവില കമ്മാരന്‍നായര്‍, കൈപ്രവന്‍ കൃഷ്ണന്‍ നായര്‍, നല്ലുര്‍ കുഞ്ഞിക്കണ്ണന്‍ നായര്‍, പാറപ്പുറത്ത് മമ്മു, പെരിന്തട്ട പറ്റിഞ്ഞാറേ വീട്ടില്‍ കണ്ണന്‍, വടക്കേ വീട്ടില്‍ അച്ചു, കൈപ്രവന്‍ കുഞ്ഞപ്പന്‍നായര്‍, തെങ്ങുംതറ കൃഷ്ണപൊതുവാള്‍, സി വി കുഞ്ഞമ്പു, സി പി കുഞ്ഞിക്കണ്ണന്‍ നായര്‍, സി പി നാരായണന്‍ നായര്‍, പയ്യാടക്കന്‍ കുഞ്ഞിരാമന്‍ നായര്‍, അലാമി കണ്ണന്‍, പി കെ കണ്ണന്‍, മുണ്ടയില്‍ അമ്പു, പന്നിക്കേന്‍ കുമാരന്‍, കുണ്ടിലേ വീട്ടില്‍ നാരായണന്‍, ആട്ടി ചെറിയമ്പു എന്നിവരെ ഈ അവസരത്തില്‍ ആദരപൂര്‍വ്വം അനുസ്മരിക്കുന്നു. കൂടാതെ ആദ്യകാല അധ്യാപകരായിരുന്ന ഒളവറയിലെ ശ്രീ പി വി ബാലകൃഷ്ണൻ മാസ്റ്റര്‍, ശ്രീ വി കെ നാരായണന്‍ മാസ്റ്റര്‍ എന്നിവരേയും . സ്വന്തം കൈവശസ്ഥലം വിദ്യാലയാവശ്യത്തിനായി വിട്ടുതന്ന വിദ്യാലയ സ്ഥാപകന്‍ കൂടിയായ ശ്രീ നല്ലൂര്‍ ഗോവിന്ദന്‍ നായരേയും ദാനാധാരമായി പ്രസ്തുത സ്ഥലത്തിന്റെ രേഖ കൈമാറിത്തന്ന കമ്പല്ലൂർ കോട്ടയില്‍ ശ്രീമതി ശാന്തകുമാരിയമ്മയേയും ഈ അവസരത്തില്‍ കടപ്പാടോടും കൃതജ്ഞതയോടുകൂടി ഓര്‍ക്കുന്നു. 1957ല്‍ ശ്രീ ഇ എം എസ് നമ്പൂതിരിപ്പാടിന്റെ നേതൃത്വത്തില്‍ നിലവില്‍ വന്ന സര്‍ക്കാര്‍, ഏകാധ്യാപക വിദ്യാലയത്തെ എല്‍ പി സ്കൂളായും 1964ല്‍ യു പി സ്കൂളായും ഉയര്‍ത്തി. 1980-81ല്‍ശ്രീ ഇ കെ നായനാര്‍ മുഖ്യമന്ത്രിയായപ്പോള്‍ ഈ വിദ്യാലയം ദീര്‍ഘകാലത്തെ ജനകീയാവശ്യം പരിഗണിച്ച് ഹൈസ്കൂളായി അപ്ഗ്രേഡുചെയ്തു. ഈ അവസരത്തില്‍ വിദ്യാലയ വികസനത്തിനായി പരിമിതമായ വിലയ്ക്ക് സ്ഥലം നല്കാന്‍ തയ്യാറായ സര്‍വ്വശ്രീ കൊച്ചു നാരായണന്‍ മാസ്റ്റര്‍, പത്മിനി ടീച്ചര്‍, നല്ലൂര്‍ കുഞ്ഞിരാമന്‍ നായര്‍, മുട്ടിയറ ചെല്ലപ്പന്‍ എന്നിവരേയും നന്ദിപൂര്‍വ്വം അനുസ്മരിക്കുന്നു. 1990-91 ല്‍ കേരളത്തില്‍ ആദ്യമായി ഹയര്‍ സെക്കന്ററി വിദ്യാലയങ്ങള്‍ ആരംഭിച്ചപ്പോള്‍ അന്നത്തെ മുഖ്യമന്ത്രിയായിരുന്ന ശ്രീ ഇ കെ നായനാര്‍ ഉദ്ഘാടനം നിര്‍വ്വഹിച്ചതിലൂടെ കേരളത്തിലെ ആദ്യ ഹയര്‍ സെക്കന്ററി എന്ന വിശേഷണവും ഈ വിദ്യാലയത്തിന്‌ ഒരു പൊന്‍തൂവലായി. ഇതിനു വേണ്ടി അശ്രാന്ത പരിശ്രമം ചെയ്ത അന്നത്തെ ഗ്രാമവികസന ബോർഡ് ചെയര്‍മാനും ഈ കെ നായനാരുടെ മണ്ഡലം പ്രതിനിധിയുമായ ശ്രീ സി കൃഷ്ണന്‍നായരുടെ സേവനവും ഈ അവസരത്തില്‍ സ്മരിക്കുന്നു. ഇന്ന് വിദ്യാലയത്തിന്‌ ഷഷ്ഠിപൂര്‍ത്തിയും ഹയര്‍സെക്കന്ററിക്ക് രജതരേഖയും തികയുമ്പോള്‍ അഭിമാനപൂര്‍വ്വം ഈ നാടിനെ സാക്ഷിനിര്‍ത്തി ഞങ്ങള്‍ക്ക് പറയാനാകും. കഴിഞ്ഞുപോയ കാലയളവുകളില്‍ • നാടിന്റെ സമ്പൂര്‍ണ്ണമായ പിന്തുണയോടെയാണ്‌ ഈ വിദ്യാലയം വളര്‍ച്ചയുടെ ഓരോ പടവുകളും കയറിയിട്ടുള്ളത്. • ഓരോ കാലഘട്ടങ്ങളിലും മികച്ച നിലവാരമുള്ള വിദ്യാഭ്യാസമാണ്‌ പകര്‍ന്നു നല്കാനായിട്ടുള്ളത്. • കലാ കായിക മേഖലകളില്‍ ഓരോ കാലയളവുകളിലും മികച്ച പ്രതിഭകളെ സൃഷ്ടിക്കുവാന്‍ വിദ്യാലയത്തിന്‌ കഴിഞ്ഞിട്ടുണ്ട്. അതിന്‌ ഉദാഹരണമാണ്‌ ഇപ്പോള്‍ നടക്കുന്ന ദേശീയ ഗെയിംസില്‍ വനിതാ വിഭാഗം ബീച്ച് ഹാന്‍ഡ്ബോളില്‍ കേരളത്തെ പ്രതിനിധാനം ചെയ്യുന്ന എ വി രശ്മി, കെ വി നീതു, അനുശ്രീ ടി കെ എന്നിവര്‍. • എസ് എസ് എല്‍ സി, ഹയര്‍ സെക്കന്ററി പരീക്ഷകളില്‍ മികച്ച വിജയശതമാനം നിലനിര്‍ത്തി വരുന്നുണ്ട്. എസ് എസ് എല്‍ സിയി ല്‍തുടര്‍ച്ചയായ നാലാം വര്‍ഷവും നൂറു ശതമാനം നിലനിര്‍ത്തുവാന്‍ കഴിഞ്ഞിട്ടുണ്ട്. • എന്‍എസ്സ് എസ്സ്, സ്കൗട്ട് & ഗൈഡ്സ്, ജൂനിയർ റെഡ്ക്രോസ്സ് തുടങ്ങിയ സംഘടനകള്‍ സാമൂഹ്യപ്രതിബദ്ധതയുള്ള നിരവധി പ്രവര്‍ത്തനങ്ങളിലൂടെ വിദ്യാര്‍ഥികളില്‍ സാമൂഹ്യബോധം വളര്‍ത്തുവാനും നാടിന്‌ ദിശാബോധം പകരുവാനും നിരന്തരമായ പ്രവര്‍ത്തനങ്ങളില്‍ ഏര്‍പ്പെട്ടുവരുന്നു. • സംസ്ഥാനതലത്തില്‍ പ്രവര്‍ത്തന മികവിനുള്ള പരിസ്ഥിതി മന്ത്രാലയത്തിന്റെ മികച്ച ഭൂമിത്രസേനാ ക്ളബ്ബിനുള്ള പുരസ്കാരം, മലയാള മനോരമയുടെ പലതുള്ളി പുരസ്കാരം തുടങ്ങിയ അംഗീകാരങ്ങള്‍. • ജില്ലാ തലത്തില്‍ വര്‍ഷങ്ങളായി മികച്ച ജൂനിയര്‍ റെഡ്ക്രോസ്സ് യൂണിറ്റ്, മികച്ച ശുചിത്വ വിദ്യാലയം മലയാള മനോരമയുടെ വഴിക്കണ്ണ്‌ പുരസ്കാരം, ജലശുദ്ധി പരിശോധനയ്ക്കുള്ള പുരസ്കാരം, നല്ലപാഠം പുരസ്കാരം തുടങ്ങിയ അംഗീകാരങ്ങള്‍. • മലയാളത്തിന്റെ പ്രിയ കഥാകാരനായ ശ്രീ സി വി ബാലകൃഷ്ണന്‍ മാസ്റ്റര്‍, നിരൂപകനും ബാലസാഹിത്യകാരനും ശാസ്ത്രസാഹിത്യകാരനുമായ ശ്രീ പി പി കെ പൊതുവാള്‍, മികച്ച അധ്യാപകനുള്ള ദേശീയ പുരസ്കാരം നേടിയ ശ്രീ വി പി എസ് നമ്പൂതിരി, , മികച്ച എന്‍ എസ്സ് എസ്സ് പ്രോഗ്രാം ഓഫീസര്‍ക്കുള്ള സ്പെഷ്യല്‍പുരസ്കാരം നേടിയ ശ്രീ സി കെ രാധാകൃഷ്ണന്‍ മാസ്റ്റര്‍ തുടങ്ങി അവാര്‍ഡുകളിലൂടെയും അല്ലാതെയും പ്രവര്‍ത്തന മികവുകളിലൂടെ ബഹുമാനിതരായ ഗുരുശ്രേഷ്ഠന്മാര്‍. • മികച്ച അധ്യാപക രക്ഷാകര്‍ത്തൃ സമിതികളിലൂടെ വിദ്യാലയ പുരോഗതിക്കായി നിരവധി പരിശ്രമങ്ങള്‍ ഉണ്ടായിട്ടുണ്ട്. • അധ്യാപനം ജീവിതവ്രതമാക്കിയ നിരവധി അധ്യാപകശ്രേഷ്ഠരുടെ കാല്പാടുകള്‍ പതിഞ്ഞ ഈ സരസ്വതീ ക്ഷേത്രം അവരുടെ അര്‍പ്പണ ബോധത്തിന്റെ ജീവനുള്ള സ്മാരകമാണ്‌. • അവര്‍ തെളിച്ച തിരിവെട്ടത്തെ ദീപശിഖകളായി നെഞ്ചേറ്റിയ അനവധിപേരുടെ ജീവിതവിജയത്തിന്റെ നിത്യസ്മാരകമാണ്‌ ഈ വിദ്യാലയം. ഇവിടെ അക്ഷരം കുറിച്ച് അതിര്‍ത്തികളില്‍ രാജ്യത്തെ കാത്തവരും കാക്കുന്നവരുമായ ജവാന്മാര്‍, കായിക മേഖലയിൽ രാജ്യത്തിനും കേരളത്തിനും വേണ്ടി കഴിവു തെളിയിച്ച പ്രതിഭകള്‍, പൊതുപ്രവര്‍ത്തന മികവിലൂടെ സമൂഹമനസ്സുകളില്‍ സ്ഥാനം നേടിയ നിരവധിപേര്‍, കലാപരമായി കഴിവുതെളിയിച്ചവര്‍, വിവിധ തൊഴില്‍ മേഖലകളില്‍ രാജ്യസേവനം നടത്തുന്നവര്‍, മണ്ണിനെ പൊന്നാക്കുന്ന കര്‍ഷകര്‍, അദ്ധ്വാനശീലരായ നിരവധിപേര്‍. അവര്‍ ചെയ്ത് സഹായങ്ങള്‍ നന്ദിപൂര്‍വ്വം ഓര്‍ക്കുന്നു, വിദ്യാലയ പുനര്‍നിര്‍മ്മാണത്തിന്‌ അവരുടെ നിര്‍ലോപമായ സഹായങ്ങള്‍ പ്രതീക്ഷിക്കുന്നു. ഇങ്ങനെ വളര്‍ച്ചയുടെ പടവുകള്‍ ഓരോന്നായി കയറുമ്പോഴും പരാതികളുടേയും പരിവട്ടങ്ങളുടേയും ഒരു പരമ്പരതന്നെ പറയാന്‍ ബാക്കിയുണ്ട്. • ഹയര്‍ സെക്കന്ററി ഹൈസ്കൂള്‍ ക്ളാസ് മുറികള്‍ക്ക് സൗകര്യമുള്ള ലാബും ലൈബ്രറിയും മറ്റു സംവിധാനങ്ങളുമുള്ള ഒരു കെട്ടിട സമുച്ചയം നമ്മുടെ അനിവാര്യതയാണ്‌. പ്രത്യേകിച്ചും 1985ല്‍ ശ്രീ ഒ ഭരതന്‍ ഏം എല്‍ എ ആയിരിക്കേ അന്നത്തെ വിദ്യാഭ്യാസവകുപ്പു മന്ത്രി ശ്രീ ടി എം ജേക്കബ്ബ് ഉദ്ഘാടനം ചെയ്ത രണ്ടു നില കെട്ടിടം ഉപയോഗ്യ ശൂന്യമായിക്കൊണ്ടിരിക്കുമ്പോള്‍. • വിദ്യാലയത്തിന്‌ ആവശ്യമുള്ള മികച്ച ഇരിപ്പിട സൗകര്യങ്ങള്‍. • അസംബ്ളി ഹാള്‍. • സ്മാര്‍ട്ട് സൗകര്യങ്ങളോടു കൂടിയ ക്ളാസ് മുറികള്‍ • ഹയര്‍ സെക്കന്ററിക്ക് മികച്ച സൗകര്യങ്ങളോടു കൂടിയ കമ്പ്യൂട്ടര്‍ ലാബ്. • റീഡിംഗ് റൂം ഉള്‍പ്പെടെയുള്ള ലൈബ്രറി കോംപ്ളക്സ്. • കുട്ടികള്‍ക്ക് ഇരുന്നു ഭക്ഷണം കഴിക്കാനുള്ള ഊട്ടുപുര. • കിഡ്സ് പ്ളേ പാര്‍ക്ക്. • ടോയിലറ്റ് കോമ്പ്ളക്സ്. തുടങ്ങി ആവശ്യങ്ങള്‍ ഇനിയുമേറെയാണ്‌. ഭരണകൂടത്തിന്റേയും ജനപ്രതിനിധികളുടേയും പൊതു സമൂഹത്തിന്റേയും പിന്തുണയോടെ ഭൗതിക സാഹ ചര്യത്തിലും അക്കാദമിക നിലവാരത്തിലും രാജ്യാന്തര നിലവാരത്തിലേക്ക് ഈ വിദ്യാലയത്തെ ഉയര്‍ത്തുവാനുള്ള പരിശ്രമങ്ങളുടെ തുടക്കമാകട്ടെ ഈ ജൂബിലി വര്‍ഷമെന്നു ആഗ്രഹിച്ചുകൊണ്ട് ഈ റിപ്പോര്‍ട്ട് സമര്‍പ്പിക്കുന്നു. തയ്യാറാക്കിയത് ബൈജു കെ.പി , ബ്ലോഗിലേക്ക് ലിപി പരിഷ്കാരത്തോടെ പകര്‍ത്തിയത്- രാധാകൃഷ്ണന്‍ സി കെ

Sunday, December 28, 2014

ALUMNI MEETS IN THE PRESENCE OF REGIONAL DEPUTY DIRECTOR

Monday, December 8, 2014

2004-05 batch think they should meet on 27/12/2014

Sunday, December 7, 2014

കമ്പല്ലൂര്‍ ഹയര്‍സെക്കന്‍ഡറിയിലെ പൂര്‍വ വിദ്യാര്‍ഥി കൂടിയാലോചനായോഗം 07/12/2014

വിവിധ ബാച്ചുകളിലായുള്ള ഹയര്‍സെക്കന്‍ഡറി വിഭാഗം പൂര്‍വ വിദ്യാര്‍ഥി കൂടിയാലോചനായോഗം നടന്നു.
വിവിധ ബാച്ചുകളുടെ കോഡിനേറ്റര്‍മാരെ തിരഞ്ഞെടുത്തു.ഇന്നു പങ്കെടുക്കാന്‍ കഴിയാതിരുന്ന എല്ലാ അംഗങ്ങളേയും ഉള്‍പ്പെടുത്തി അടുത്ത യോഗം ഡിസംബര്‍ അവസാനത്തെ ആഴ്ച ( ഡിസംബര്‍ 23,27,28 )വിളിച്ചുകൂട്ടാന്‍വേണ്ടി കോഡിനേറ്റര്‍മാരെ ചുമതലപ്പെടുത്തി.
വിവിധ ബാച്ചുകളില്‍ പെട്ട കമ്പല്ലൂര്‍ ഹയര്‍സെക്കന്‍ഡറിയിലെ എല്ലാ പൂര്‍വ വിദ്യാര്‍ഥികളും താഴെ കൊടുത്ത നമ്പരുകളില്‍ വിളിച്ചു തങ്ങളുടെ പങ്കാളിത്തം ഉറപ്പുവരുത്താന്‍ അഭ്യര്‍ത്ഥിക്കുന്നു.

-കോഡിനേറ്റര്‍,പൂര്‍വവിദ്യാര്‍ത്ഥി സംഘടന,ഗവ.ഹയര്‍സെക്കന്‍ഡറിസ്കൂള്‍,കമ്പല്ലൂര്‍

COORDINATOR	JAMES CHERIYAN 9447814700
1990-1992	SIJI JACOB 9747335965	RAGHAVAN 9605174264
1991-1993	JOSEKUTTY E J 9447648783	NASEEBA T A 9400115951
1992-1994	RASHEED T 8606514514;JAMES CHERIYAN 9447814700	MANOJ M S 8089050086
1993-1995	SALASH VARGHESE 9961420333	SANTHOSH P.L
1994-1996	ANITHA E R 8547369309	TIJO V JOSE 9447322444
1995-1997	PRATHEESH
1996-1998	THOMAS MATHEW 9447641501	SUBIN MICHAEL 8281467445
1997-1999	JINO GOPAL PALERI 9745703152	SEN JOHN 9946212616
1998-2000	HAREESH 9496028093	JITHESH P 9495561028
1999-2001	MANAS K V 8281903644	SHINOJ K P
2000-2002
2001-2003	ANISH C K 8547904901	AUGUSTINE M SEBASTIAN 8547623054
2002-2004	PREJITH	ABHILASH
2003-2005	ROBIN MATHEW 9746940046	BINU BASIL 9656887550
2004-2006	ANILSON JAMES 9961981271	AMITHA N 9895506346
2005-2007	VIJESH PALLIKKARA 9895856197
2006-2008	ANIL A C 9447411515

Friday, November 14, 2014

WE ARE PROUD OF YOU,NEETHU - TEAM KAMBALLUR

CONGRATS TO VISHNU.P.S

CONGRATS TO OUR

VISHNU.P.S,

THE INDIVIDUAL CHAMPION, ATHLETIC MEET 2014 ,CHITTARIKKAL SUB DISRICT

Wednesday, October 22, 2014

ജൂബിലി തിളക്കം-കമ്പല്ലൂര്‍ ഹയര്‍ സെക്കണ്ടറി സ്കൂള്‍ അധ്യാപകന്‍റെ ലേഖനം കേരളമൊട്ടുക്കും വായിക്കപ്പെടുന്നു.

അഭിനന്ദനങ്ങള്‍ ,അഭിവാദനങ്ങള്‍,പ്രിയ മനോജ്‌ സാര്‍ !
കമ്പല്ലൂര്‍ ഹയര്‍ സെക്കണ്ടറി സ്കൂള്‍ അധ്യാപകന്‍റെ ലേഖനം കേരളമൊട്ടുക്കും വായിക്കപ്പെടുന്നു.
ഈ ആഴ്ചത്തെ മാതൃഭൂമി ആഴ്ചപ്പതിപ്പ് കാണുക .പേജ് 97....

DCA ക്ക് അപേക്ഷിക്കാം

Tuesday, October 21, 2014

എന്‍ എസ് എസ് വളണ്ടിയര്‍മാര്‍ക്ക് ജൂബിലിഅഭിനന്ദനങ്ങള്‍.

ആഹ്ലാദ് ആര്‍ ;മുഹമ്മദ്‌ റാഹില്‍ പി എന്നീ എന്‍ എസ് എസ് വളണ്ടിയര്‍മാര്‍ക്ക് അഭിനന്ദനങ്ങള്‍.

ജേസീസ് കാക്കയന്‍ചാല്‍ ചെറുപുഴയില്‍ വെച്ചു നടത്തിയ ഇന്റര്‍ ഡിസ്ട്രിക്റ്റ് സ്കൂള്‍ പൊതു വിജ്ഞാന ക്വി സ് മത്സരത്തിലും ഐ എസ് ആര്‍ ഒ വെള്ളരിക്കുണ്ട് ഹയര്‍സെക്കന്‍ഡറി സ്കൂളില്‍ വെച്ച് നടത്തിയ ഇന്റര്‍ ഡിസ്ട്രിക്റ്റ് സ്കൂള്‍ സ്പേസ് ക്വി സ് മത്സരത്തിലും പ്രമുഖ സ്കൂളുകളോട് മത്സരിച്ച് രണ്ടാം സ്ഥാനം നേടിയ കമ്പല്ലൂര്‍ സ്കൂള്‍ ടീം അംഗങ്ങളായ ആഹ്ലാദ് ആര്‍ ;മുഹമ്മദ്‌ റാഹില്‍ പി എന്നീ എന്‍ എസ് എസ് വളണ്ടിയര്‍മാര്‍ക്ക് അഭിനന്ദനങ്ങള്‍.

Saturday, October 11, 2014

കാര്‍ഷിക സെമിനാര്‍( 11 /10 / 2014 )വന്‍ വിജയം

നാഷണല്‍ സര്‍വീസ് സ്കീമിന്റെയും കൃഷിവകുപ്പിന്റെയും ആഭിമുഖ്യത്തില്‍ ജൂബിലി കാര്‍ഷിക സെമിനാര്‍ വന്‍വിജയമായി .150 ഓളംകര്‍ഷകര്‍ പങ്കെടുത്തു. 46 കര്‍ഷകര്‍ മണ്ണുപരിശോധന നടത്തി.മണ്ണ് സാമ്പിള്‍ ശേഖരിക്കാന്‍ എന്‍ എസ് എസ്‌ വളണ്ടിയര്‍മാര്‍ സമയോചിതമായി ഇടപെട്ടു.
ചിരാത് എന്ന പേരില്‍ എന്‍ എസ് എസ് വളണ്ടിയര്‍ സ്മേരയുടെ നേതൃത്വത്തില്‍ വിദ്യാര്‍ത്ഥികള്‍ തയ്യാറാക്കിയ മിനിമാസിക പ്രകാശനം ചെയ്യപ്പെട്ടു

കാര്‍ഷിക സെമിനാര്‍ ഒന്നാം സെഷന്‍ തുടങ്ങി

നാഷണല്‍ സര്‍വീസ് സ്കീമിന്റെയും കൃഷിവകുപ്പിന്റെയും ആഭിമുഖ്യത്തില്‍ ജൂബിലി കാര്‍ഷിക സെമിനാര്‍ ഒന്നാം സെഷന്‍ തുടങ്ങി.150 ഓളംകര്‍ഷകര്‍ പങ്കെടുക്കുന്നു. ഔപചാരികഉദ്ഘാടനം ബഹു.കൃഷി വകുപ്പ് മന്ത്രി എത്തിച്ചേരുന്നമുറക്ക് നടക്കുന്നതാണ്.

കാര്‍ഷിക ഉപകരണങ്ങളുടെ പ്രദര്‍ശനവും നാടന്‍ നെല്‍ വിത്തുകളുടെ പ്രദര്‍ശനവും നടക്കുന്നുണ്ട്.ശ്രീ സജി ചുണ്ട നടത്തുന്ന അപൂര്‍വ ചിത്ര പ്രദര്‍ശനവും ശ്രീ സന്തോഷ്‌ മാനസത്തിന്റെ നേതൃത്വത്തിലുള്ള മരപ്പൊടിശില്പ പ്രദര്‍ശനവും മറ്റൊരു പ്രത്യേകതയാണ്.പ്രദര്‍ശനം 3 മണി വരെ മാത്രം.എല്ലാവര്‍ക്കും സ്വാഗതം

Sunday, October 5, 2014

MEDIA REPORT JUBILEE ACTIVITIES

Sunday, September 28, 2014

കമ്പല്ലൂര്‍ ഹയര്‍സെക്കന്‍ഡറി സ്കൂള്‍ കൊല്ലാട ശുചിത്വ ഗ്രാമം പ്രവര്‍ത്തനത്തിലൂടെ ഈസ്റ്റ് എളേരി പഞ്ചായത്തിനു സംസ്ഥാന അവാര്‍ഡ്‌-5 ലക്ഷം രൂപാ

ഈസ്റ്റ്‌ എളേരി പഞ്ചായത്തിനു അഭിനന്ദനങ്ങള്‍. ഒപ്പം കമ്പല്ലൂര്‍ ഹയര്‍സെക്കന്‍ഡറി സ്കൂള്‍ പിറ്റിഎ ക്കും നാട്ടുകാര്‍ക്കും. ജൂബിലി ആഘോഷിക്കുന്ന കമ്പല്ലൂര്‍ ഹയര്‍സെക്കന്‍ഡറി സ്കൂളിന്‍റെ കഴിഞ്ഞ വര്‍ഷത്തെ പ്രവര്‍ത്തനങ്ങളില്‍ ഒന്നായിരുന്നു ശുചിത്വമിഷന്‍റെ പങ്കാളിത്തത്തോടെ കൊല്ലാട ഹാപ്പി ആര്‍ട്സ് ആന്‍ഡ്‌ സ്പോര്‍ട്സ് ക്ലബ്ബിന്‍റെ യും നാഷണല്‍ സര്‍വീസ് സ്കീമിന്റെയും നേതൃത്വത്തില്‍ നടത്തിയ ശുചിത്വ ഗ്രാമം പദ്ധതി.സംസ്ഥാന അവാര്‍ഡ്‌ നേടാന്‍ ഈസ്റ്റ് എളേരി പഞ്ചായത്തിനെ കൊല്ലാട ശുചിത്വ ഗ്രാമം പ്രവര്‍ത്തനത്തിലൂടെ സഹായിക്കാന്‍ കഴിഞ്ഞതില്‍ നമുക്ക് അഭിമാനിക്കാം.

Friday, September 26, 2014

കൃഷി വകുപ്പിന്‍റെയും ജൂബിലിസമിതിയുടേയും നാഷണല്‍ സര്‍വീസ് സ്കീമിന്റെയും നേതൃത്വത്തില്‍ നടത്തുന്ന പച്ചക്കറി കൃഷി: കുട്ടികൾക്കുള്ള നിർദ്ദേശങ്ങൾ

ജൂബിലി കാര്‍ഷിക സെമിനാര്‍ അടുത്ത ഒക്ടോബറില്‍ കമ്പല്ലൂരില്‍- കേരള കൃഷിവകുപ്പ് മന്ത്രി ഉല്‍ഘാടനം ചെയ്യുന്നു- ഔഷധകൃഷി,മത്സ്യം വളര്‍ത്തല്‍,ജൈവ കൃഷി പരിശീലനം , ......കര്‍ഷകര്‍ക്കായി.... പങ്കെടുക്കാന്‍ കുടുംബശ്രീ എ ഡി എസ് മുഖേന രജിസ്ടര്‍ ചെയ്യുക
***************************************************************************************************************8
കൃഷി വകുപ്പിന്‍റെയും ജൂബിലിസമിതിയുടേയും നാഷണല്‍
സര്‍വീസ് സ്കീമിന്റെയും നേതൃത്വത്തില്‍ നടത്തുന്ന

പച്ചക്കറി കൃഷി:

കുട്ടികൾക്കുള്ള നിർദ്ദേശങ്ങൾ

ലഭിച്ചിട്ടുള്ള വിത്തുകൾ നിർബന്ധമായും കൃഷി ചെയ്തിരിക്കേണ്ടതാണ്‌.

മുതിർന്നവരുടെ കൂടി സഹായം തേടിക്കൊണ്ട് ഒക്ടോബർ 15നുള്ളിൽ നടീൽ

പൂർത്തീകരിക്കണം.

ജൈവവളങ്ങളും ജൈവ കീടനാശിനികളും മാത്രമേ ഉപയോഗിക്കാവൂ.

ഓരോ ദിവസവും പച്ചക്കറിത്തോട്ടത്തിൽ ചെയ്യുന്ന പ്രവർത്തനങ്ങൾ

നാല്പ്പതു പേജിന്റെ നോട്ടുബുക്കിൽ രേഖപ്പെടുത്തി സൂക്ഷിക്കേണ്ടതാണ്‌.

ഇതിൽ നിലമൊരുക്കൽ, വളപ്രയോഗം, നടീൽ, ഉപയോഗിച്ച വളങ്ങൾ,

ചെടികൾക്കുണ്ടായ രോഗങ്ങൾ, ഉപയോഗിച്ച കീടനാശിനികൾ, അവ

തയ്യാറാക്കിയ വിധം, ലഭിച്ച വിളവ് തുടങ്ങി കൃഷിയുമായി ബന്ധപ്പെട്ട

എല്ലാ കാര്യങ്ങളും അതതു ദിവസം തന്നെ രേഖപ്പെടുത്തേണ്ടതാണ്‌.

എൽ പി, യു പി, എച്ച് എസ്സ്, എച്ച് എസ്സ് എസ്സ് തലങ്ങളിൽ ഏറ്റവും

മികച്ച കുട്ടി കർഷകർക്ക് സമ്മാനങ്ങൾ നല്കുന്നതാണ്‌. പച്ചക്കറി

തോട്ടവും ഡയറിയും വിലയിരുത്തിയാകും സമ്മാനങ്ങൾ നല്കുക.

വിഷവിമുക്തമായ പച്ചക്കറികൾ സ്വന്തം വീട്ടിൽ തന്നെ

ഉല്പാദിപ്പിക്കുവാനുള്ള ഈ പ്രവർത്തനത്തിൽ എല്ലാ കുട്ടികളുടേയും

സജീവപങ്കാളിത്തം പ്രതീക്ഷിക്കുന്നു.

Thursday, September 18, 2014

സാമ്പത്തിക കമ്മി റ്റി 2.30 pm, 19/09/2014.

Tuesday, September 16, 2014

ജൂബിലി ഇ ക്വിസ്- ഉത്തരം പറയാമോ ?

ഉത്തരം പറയാമോ ?

1.കേരളത്തിലെ ആദ്യത്തെ ഹയര്‍സെക്കന്‍ഡറി സ്കൂള്‍ ഏതു?

2.ഏതു വര്‍ഷമാണ്‌ കേരളത്തിലെ ആദ്യത്തെ ഹയര്‍സെക്കന്‍ഡറി സ്കൂള്‍ സ്ഥാപിക്കപ്പെട്ടത് ?

3.കേരളത്തിലെ ആദ്യത്തെ ഹയര്‍സെക്കന്‍ഡറി സ്കൂള്‍ സ്ഥാപിക്കപെടുമ്പോള്‍ ആരായിരുന്നു കേരളാ വിദ്യാഭ്യാസമന്ത്രി ?

ഉത്തരങ്ങള്‍ കമന്‍റായി പോസ്റ്റ്‌ ചെയ്യുമല്ലോ.

ആദ്യത്തെ 10 ശരി ഉത്തരങ്ങള്‍ക്കു സമ്മാനമുണ്ട്.ഫോണ്‍ നമ്പര്‍ കൂടി ചേര്‍ക്കണേ..

Friday, September 12, 2014

പബ്ലിസിറ്റി സബ്കമ്മിറ്റി യോഗം നാളെ 3 pm, 13/09/2014 സ്കൂളില്‍

ജൂബിലി ആഘോഷവുമായി ബന്ധപ്പെട്ട് വിവിധ സബ്കമ്മിറ്റികളുടെ യോഗം താഴെ സൂചിപ്പിച്ച സമയക്രമത്തില്‍ നടക്കുന്നു.

പബ്ലിസിറ്റി 3 pm, 13/09/2014
പ്രോഗ്രാം 3 p m, 15/09/2014
പൂര്‍വ വിദ്യാര്‍ഥിസംഘടന 3 pm,16/09/2014
സുവനീര്‍ 2 pm, 17/09/2014
സ്മാരകം അവസാനത്തെ ആഴ്ച, ഒക്ടോബര്‍ 2014
സാമ്പത്തികം 2.30 pm, 16/09/2014.

അതതു കമിറ്റി അംഗങ്ങള്‍ യോഗങ്ങളില്‍കൃത്യസമയത്ത് എത്തിച്ചേരണമെന്ന് കണ്‍വീനര്‍ അറിയിക്കുന്നു.